Mostra de teatro non profesional do Miño

VIDEO-PRESENTACIÓN DA IVª MOSTRA DE TEATRO DO MIÑO

2010-04-16T02:09:00.000-07:00

Video-presentación da IVª Mostra de Teatro do Miño

Presentación da IVª MOSTRA DE TEATRO DO MIÑO

2010-04-12T03:34:00.000-07:00

Un ano máis a comarca do Baixo Miño volverá a ser punto de referencia para todos os amantes do teatro afeccionado. Como ven acontecendo nas catro últimas primaveras, a Asociación Cultural Feixó de Araúxo organiza, en colaboración coa Xunta de Galicia, a Mostra de Teatro non profesional do Miño, na que se dan cita compañías teatrais chegadas de todos os puntos de Galicia e Portugal.

Nesta cuarta edición vólvese a poñer de manifesto a excelente saúde e dinamismo do que goza o teatro amador en ambas beiras do Miño como demostra o feito de que se presentasen a concurso un total de 36 obras (26 galegas e 10 portuguesas). De entre todas elas, o xurado da Mostra seleccionará seis pezas que serán exibidas ao longo dos días 23, 24 e 25 de abril.

Unha importante novidade fará que a partir deste ano a Mostra adquira unha maior dimensión e presenza na bisbarra baixomiñota: o Concello do Rosal, sumarase ao da Guarda e Tomiño na organización e acollida deste evento teatral. Deste xeito, a Mostra de Teatro irase desenvolver conxuntamente nas vilas da Guarda, O Rosal e Goián (Tomiño) sendo representadas dúas obras en cada unha delas.

Tendo en conta todas estas características, a Mostra de Teatro do Miño convertiuse nun dos poucos eventos culturais de toda Galicia, que teñen a peculiaridade de organizarse ao mesmo tempo en 3 municipios diferentes, sendo un bo exemplo de colaboración entre diferentes institucións públicas.

REPORTAXE DA SESIÓN DE APERTURA DA IIIª MOSTRA DE TEATRO NON PROFESIONAL DO MIÑO

2009-04-25T08:25:00.001-07:00

O pasado xoves, 23 de abril, celebrouse no auditorio do IES da Sangriña (A Guarda) a sesión de inauguración da IIIª Mostra de Teatro non profesional do Miño.

Os alumnos Sara e Carlos conduciron a gala na que deron a benvida a todos os asistentes, repasaron a curta pero intensa historia da Mostra e transmitiron a gratitude, en nome da organización, a todos aqueles que fixeron posible que un ano mais se celebre este evento teatral.

Plantexouse tamén a cuestión da continuidade futura desta Mostra que so será posible se existe unha aposta decidida por parte das institucions autonomicas e locais asi como de sectores privados ou persoas que axuden a que a Mostra se consolide cada primavera na axenda cultural baixomiñota.

Este acto estivo amenizado por dúas actuacións da que todos os asistentes desfrutaron e que son boa mostra da rica e diversa actividade que se desenvolve no IES da Sangriña fora dos horarios lectivos no seu acertado intento de abrir o centro non so a alumnos e profesores senón a toda a poboación en xeral.

A primeira das actuacións, e que foi a encargada de abrir este acto, correu a cargo do "Conxunto Instrumental do IES da Sangriña" constituido por alumnos e alumnas deste centro e que interpretaron un blues-funk.

A segunda actuación tivo como protagonistas a SAE A LUA, o grupo de pandereteiras formado no IES da Sangriña que interpretou un conxunto de cancións populares con claras piscadelas á outra beira do Miño.

Ambos proxectos son interesantes iniciativas do sempre activo Departamento de Musica do IES da Sangriña.

O "CONXUNTO INSTRUMENTAL DO IES DA SANGRIÑA" ACTUARÁ NO ACTO DE PECHE DA 3ª MOSTRA DE TEATRO

2009-04-25T07:12:00.000-07:00

Ás 21:00 deste domingo, dia 26 de abril, xusto despois de rematar a representacion da peza AUTO DA HIBRIS terá lugar un breve acto que servirá de peche para a 3ª Mostra de teatro Amador do Miño. Durante este acto intervirán diferentes autoridades como: Jesús Castñeira, (concelleiro de cultura do Concello de Tomiño), Sandra González (alcaldesa do Concello de Tomiño), Pilar del Oro (responsable da Oficina Europea da Xuventude) e Vitor Dias (director do Instituto Português da Juventude para a rexión Norte de Portugal).

Tras estas intervencións e mentras se contabiliza a votacion do público, haberá unha intervencion do grupo instrumental do IES da Sangriña.

O departamento de Música do IES A SANGRIÑA, ven realizando unha intensa actividade dende fai cinco anos, primeiro organizando festivais de fin de curso e despois actuacións específicas con motivo das Letras Galegas, homenaxes a autores literarios, colaboracións cos departamentos de normalización lingüística, obradoiros de diferente índole como o conxunto instrumental ou de pandeireteiras.

Doutra banda, téñense realizado actividades culturais como viaxes e intercambios musicais con outras comunidades do Estado, sempre tendo como eixo central a música e o enriquecimento músico-humanístico.

O repertorio que o Concunto Instrumental do IES da Sangriña interpretará no acto de peche será:

-“Lela” Arranxo sobre a coñecida serenata de Daniel Alfonso Rodríguez Castelao.

-“No llores por mí Argentina” o tema central do musical Evita composta por Andrew Lloyd Webber.

-“African Song” Un arranxo sobre un tema popular Zulú.

MAIS MOSTRA....

2009-04-21T10:07:00.000-07:00

Nos últimos tempos, o mes de abril e o teatro afeccionado son sinónimos nas terras baixomiñotas pois ven sendo por estas datas que se celebra a festa que reúne a grupos teatrais non profesionais e a amantes do teatro das dúas beiras do Miño.

A IIIª Mostra de Teatro non profesional do Miño xá está en marcha... e será celebrada durante os días 24, 25 e 26 de abril nas vilas da Guarda e Goián (Tomiño). Ao longo destes días serán representadas as 6 pezas que foron seleccionadas polo Xurado da Mostra de entre os máis de 30 traballos apresentados a concurso por grupos teatrais galego-portugueses.

Este evento xurdiu co obxetivo de se converter en plataforma que permitise a grupos teatrais non profesionais de Galiza e Portugal (ou calquera outro lugar da Lusofonia) ampliar o circuito de representacións, infelizmente tan reducido e limitado ao ámbito máis local. Esta mostra premia os mellores traballos apresentados, pero por riba de todo homenaxea o esforzo e a ilusión de millares de persoas que dedican boa parte do seu tempo e paixón ao mundo do teatro. A cantidade e calidade das obras presentadas nestes anos, así como o número de público que acode a cada sesión da Mostra, só pon de claro manifesto a boa saúde e vitalidade da que o teatro afeccionado goza a ambos lados da Raia.

Polo tanto, estes serán días de encontro para os amantes do teatro -xa sexa no palco como na platea- chegados de calquera punto de Galiza e de Portugal. Unha vez máis a arte circulará de maneira libre axudando a derrubar vellas e ríxidas fronteiras (as máis resistentes sempre son as mentais). O teatro como grandiosa ferramenta de expresión e de diálogo é capaz de producir este riquísimo contexto de cominicación e troca socio-cultural no que galegos e portugueses podemos coñecérmonos aínda máis, conseguindo ver no outro a boa parte de nós mesmos.

PONTE DA LIMA EM FESTA

2009-04-16T12:13:00.001-07:00

GRUPO

Associação Cultural Unhas do Diabo (Ponte de Lima)

SINOPSE

A obra retrata as tradicións populares do Minho de maneira lúdica e festiva. Os personaxes procuran a implicación do público por medio do divertimento e da interacción na festa rachada que van creando.

DORMES?

2009-04-16T12:10:00.000-07:00

GRUPO

IES Manuel García Barros (A Estrada)

Soñei que era eu
soñaron que era eu
desperto
o maior dos soños
nacer da nada
vivir na morte
soñei que era Deus

Dormes? Talvez todo sexa un soño... Imos a un lugar imaxinario que se cadra nunca existiu. Ou si...
Como sabes que agora mesmo non estás a soñar? Ao mellor nin sequera estás aquí.

ADEUS KANTOR

2009-04-16T12:08:00.001-07:00

GRUPO

Asociación Teatral Paso de Valverde (A Coruña)

SINOPSE

A obra é unha homenaxe a un dos grandes do teatro: TADEUSZ KANTOR. Un mestre e uns actores van encontrando ferramentas dentro de si propios para construír unha dramaturxia corporal fuxindo de caer na psicoloxía e no “servilismo que o teatro practiva respecto á literatura”.
O público poderá achegarse ao teatro por dentro e vivir o proceso de creación actorar, o teatro en estado puro.

A MAGIA DA INOCÊNCIA

2009-04-16T12:03:00.000-07:00

GRUPO

Associação cultural e recreativa de Arcozelo (Ponte de Lima)

SINOPSE

A obra baséase na historia da Nena dos Fósforos. Soíña, no frío do inverno, ninguén quere mercar os mistos que ela vende. Para quecer prende un misto e cada vez que o fai vive historias, historias en que ela transforma o final dramático nun final feliz. Así pasa con Romeo e Xulieta, Carmen, La Bayadère e Madame Butterfly.
Fronte á morte de cada personaxe aparece a nena, que transforma o destino fatal nun destino de amor e alegría.

CONVERSAS NA CUNETA MENTRES A VIDA PASA ALÁ FÓRA

2009-04-16T11:59:00.000-07:00

GRUPO

O TRASNO. Novo Teatro

SINOPSE

Encontro de tres mulleres da mesma vila pero de moi distinta condición unidas na fuxida e distanciadas no seu comportamento ante a vida e o momento histórico que lles toca vivir.

A obra é unha homenaxe ás mulleres asasinadas na guerra e na posguerra, case sempre anónimas e esquecidas. Tamén é unha chamada á reflexión sobre temas que seguen a ser de actualidade: a subxectividade da información, a hipocrisía da sociedade, as relacións de parella, o terrorismo, os abusos do poder e outros.

AUTO DA HIBRIS

2009-04-16T11:43:00.000-07:00

GRUPO

Lohengrín teatro (Vigo) e Associação Juvenil de Deão (Viana do Castelo)

SINOPSE

Hibris a desmesura, saír do xusto medio por exceso ou por defecto. Anxo e Demo venden as súas mercadorías nunha feira. Os clientes teñen que escoller entre os argumentos dun e doutro que parecen moi diferentes pero que no fondo non son tanto.
Preténdese espertar no espectador a dúbida, un pensamento crítico sobre a realidade. Mais o primeiro obxectivo é divertir, pois só divertindo e espertando o interese do público podemos conseguir que se impliquen o suficiente para pensar.

PROGRAMACIÓN DA 3ª MOSTRA DE TEATRO AMADOR DO MIÑO

2009-04-16T10:12:00.000-07:00

DIA 23 DE ABRIL (XOVES-5ª FEIRA)

20:30 - IES da Sangriña (A Guarda)

-Acto de Inauguración.

DIA 24 DE ABRIL (VENRES - 6ª FEIRA)

20:30 - Auditorio Municipal de Goián (Tomiño):

- Dormes?. IES Manuel García Barros (A Estrada)

22:00 - IES da Sangriña (A Guarda):

-Conversas na cuneta mentras a vida pasa alá fora. O Trasno. Novo teatro (Vigo)

DIA 25 DE ABRIL (SÁBADO)

20:30 - IES da Sangriña (A Guarda):

- Ponte da Lima em Festa. Associação Cultural Unhas do Diabo. (Ponte da Lima)

22:30 - Auditorio Municipal de Goián (Tomiño):

- A magia da inocência. Associaço Cultural e Recreativa de Arcozelo. (Ponte da Lima)

DIA 26 DE ABRIL (DOMINGO)

18:00 - IES da Sangriña (A Guarda):

-Adeus Kantor. Asociación Teatral Paso de Valverde (A Coruña)

20:00 - Auditorio Municipal de Goián (Tomiño):

-Auto da Hibris. Associaçao Juvenil de Deão (Viana do Castelo) & Lohengrin Teatro (Vigo)

21:30:

- Premio do público e peche.

ACTA DO XURADO DA MOSTRA DE TEATRO

2009-04-14T10:05:00.000-07:00

O día 13 de abril de 2009 reúnese a organización da MOSTRA DE TEATRO NON PROFESINAL DO MIÑO para deixar constancia dos acordos do xurado constituído para seleccionar os grupos de teatro que participarán na terceira edición da Mostra que se celebrará nas vilas de Goián e A Guarda os días 24, 25 e 26 de abril de 2009.

O xurado está constituído polas seguintes persoas:

-Representante da organización, Presidenta da Asociación Cultural Feixó de Araúxo: Pilar Carro Loureiro.
-Representante da Consellería de Cultura: Mónica Meilán Pita.
-Alfredo Rodríguez. Actor, director e profesor de Teatro. Vigo
-Juan Carlos González. Actor e director de Teatro. A Guarda
-Ilda Teixeira. Actriz e directora de Teatro. Viana do Castelo

Presentáronse un total de vintesete grupos de teatro e trinta obras entre grupos escolares e grupos de teatro afeccionado de Galicia e Portugal. Por acordo da organización e da Dirección Xeral de Creación e Difusión Cultural da Consellería de Cultura, promotora do evento, o total de grupos que van participar é de seis.

Os membros do xurado presentan as súas puntuacións unha vez visionadas as gravacións enviadas polos grupos de teatro, quedando seleccionados os que se indican a continuación:

GRUPOS DE TEATRO AFECCIONADO SELECCIONADOS (GALEGOS)

-ASOCIACIÓN TEATRAL PASO DE VALVERDE: “Adeus Kantor”

-O TRASNO NOVO TEATRO: “Conversas na cuneta mentras a vida pasa alá fóra”

-IES MANUEL GARCÍA BARROS: “Dormes?”

GRUPOS DE TEATRO AFECCIONADO SELECCIONADOS (PORTUGUESES)

-ASSOCIAÇAO CULTURAL UNHAS DO DIABO: “Ponte de Lima em festa”

-DUPLAFACE DA ASSOCIAÇAO CULTURAL E RECREATIVA DE ARCOZELO: “A magia da inocência”

-ASSOCIAÇAO JUVENIL DE DEAO (VIANA DO CASTELO)-LOHENGRÍN TEATRO (VIGO): “Auto da Hibris”

VIDEO-ANUNCIO DA IIIª MOSTRA DE TEATRO AMADOR DO MINHO

2009-04-14T07:17:00.000-07:00

Fruto do entendemento e colaboración coa Asociación Cultural Feixó de Arauxo, encargada de organizar a "Mostra de Teatro non Profesional do Miño", a asociación cultural guardesa MORRACEIRA elaborou un video promocional da terceira edición da Mostra, valéndose das imaxes filmadas ao longo da gala presentación da Mostra de 2008 celebrada no Centro Cultural Goianés.

Neste fragmento asistimos ao baile realizado por alumnos e alumnas do IES da Sangriña (A Guarda) representando mediante unha danza a obra "Entremés famoso sobre a pesca no Rio Miño" escrita no século XVII polo autor Gabriel Feixó de Arauxo de quen toma nome a asociación cultural creada para organizar este evento teatral de referencia na comarca do Baixo Miño.

CARTAZ DA 3ª MOSTRA DE TEATRO DO MIÑO

2009-03-31T10:41:00.000-07:00

Xa está na rua o cartaz da IIIª Mostra de Teatro non profesional do Miño, que se celebrará durante os dias 24, 25 e 26 de abril nas vilas da Guarda (IES Sandriña) e de Goián (Auditorio Municipal). O dia 23 de abril será celebrada no auditorio do IES Sangriña a sesión de abertura deste evento.

A IIIª Mostra de Teatro do Miño no Encontro-Mostra Asociativa Galiza-Portugal

2009-02-12T11:52:00.000-08:00

Os días 6, 7 e 8 de febreiro Carlos Fernández López e Sara Pérez Martínez, alumnos de 2º de Bacharelato do IES A Sangriña participaron no III Encontro-Mostra Asociativa Xuvenil (EMAX) de Galiza e Norte de Portugal, organizado pola Dirección Xeral de Xuventude e Solidariedade da Xunta de Galicia e celebrado no pavillón Multiúsos Fontes do Sar en Santiago.

A eles uniuse Edna Patricia Moreira Martins, que foi alumna do noso instituto e agora xa está na universidade de Compostela.Os mozos, coñecidos artistas do Teatro do Falabarato, no seu stand presentaron para a mocidade galega e portuguesa a 3ª Mostra de Teatro do Miño, que se celebrará na Guarda e en Goián os días 23, 24, 25 e 26 de abril e na que participarán unha vez máis grupos de teatro afeccionado de toda Galiza e Portugal.

Sara e Carlos montando o stand da Mostra de Teatro non profesional do Miño nas instalacións do Multiusos do Sar.

Carlos e Sara

Edna facendo amigos....

Carlos no stand da Mostra de Teatro do Miño

Edna no stand da Mostra de Teatro Amador do Miño

Os alumnos guardeses participando en dinamicas de grupo xunto con outros mozos e mozas de Galiza e Portugal.

Edna sendo maquillada por outros xoves participantes na EMAX

Isto si que é compañeirismo...

Regulamento para a participação na 3ª Mostra de Teatro Amador do Minho

2009-02-04T05:03:00.000-08:00

Clicar na imagem para visualizar com maior definição.

Bases para a participación na 3ª Mostra de Teatro non profesional do Miño

2009-02-04T04:58:00.000-08:00

1ª
A Mostra de Teatro do Miño é organizada pola Asociación Cultural Feixó de Araúxo.

2ª
A Mostra celebrarase nas vilas de Goián e A Guarda os días 24, 25 e 26 de abril de 2009.

3ª
Poderá presentarse a esta convocatoria calquera grupo de teatro non profesional (escolar e afeccionado) con obras en lingua galega ou portuguesa.

4ª
Para participar deberán enviar, antes do 21 de marzo do 2009 a seguinte información:
-Datos do grupo (nome, enderezo, teléfono de contacto,e-mail).
-Título da obra, autor e sinopse da mesma.
-Condicións técnicas necesarias para a representación.
-6 copias gravadas en DVD da obra completa que se presenta á Mostra.

5ª
Os grupos poden presentar máis dunha obra pero só poderá ser seleccionada unha por cada grupo.

6ª
Esta documentación deberán remitila ao seguinte enderezo:

Asociación Cultural Feixó de Araúxo
Mostra de Teatro do Miño
Paseo de Portugal, 21
36780 A GUARDA
GALIZA

7ª
O xurado encargado de valorar os traballos presentados estará constituído por:
- A Presidenta da Asociación Cultural Feixó de Araúxo ou a persoa en quen delegue.
-Profesionais do teatro galego e portugués.
-Unha persoa designada polas institucións patrocinadoras.

8ª
De todas as obras que se presenten, o xurado escollerá seis, que serán as que participen na Mostra. Esta decisión comunicaráselle unicamente aos grupos seleccionados antes do día 14 de abril.

9ª
A cada un dos grupos seleccionados para participar outorgaráselle unha subvención de 700€ e un galardón conmemorativo da Mostra.

10ª
Destes grupos, aquel que obteña mellor valoración do público asistente obterá un premio especial do público de 1000€.

11ª
A organización desta Mostra resolverá calquera circunstancia que non estea prevista nestas bases.

12ª
O feito de participar nesta Mostra, implica a aceptación de todas e cada unha das bases.

Preséntase a IIIª Mostra de Teatro non profesional do Miño

2009-01-27T12:25:00.000-08:00

A Mostra de Tatro non profesional do Miño, comeza a súa terceira andaina...

A Asociación Cultural "Feixó de Arauxo", responsabel pola organización de este evento, xa está mans á obra, traballando para levar a bo termo un ano mais este ilusionante proxecto que pouco a pouco estase convertindo en referencia da primavera cultural baixomiñota.

Este ano de 2009 a Mostra celebrarase nas vilas da Guarda e Goián e continuará mantendo o rumbo transfronteirizo que asumiu con convicción o ano pasado. Nesta festa do teatro participarán, polo tanto, compañias non profesionais chegadas de calquera punto de Galiza e de Portugal.

A Mostra continua co seu formato de tres dias, ao longo dos cales se representarán as 6 obras escollidas polo xurado. As datas de celebración desta 3ª Mostra serán o 24, 25 e 26 de abril.

Moi en breve serán divulgadas as bases do concurso da Mostra polas que se terán que rexir todas as compañias participantes.

CARTEL DA II MOSTRA DE TEATRO AMADOR DO MINHO - 2008

2008-04-20T17:12:00.000-07:00

CALENDARIO DE ACTIVIDADES DA II MOSTRA DE TEATRO AMADOR DO MINHO

2008-04-20T05:20:00.000-07:00

Estes son as datas, horarios e lugares das distintas actividades e representacións que terán lugar ao longo da II Mostra de Teatro:

-24 de abril, ás 20:00 hs, no Centro Goianés (Goián): sesión de Pertura da II Mostra de Teatro Amador do Miño.

-25 de abril, ás 20:30 hs, no Centro Goianés (Goián): representación de “Frei Joao sem cuidados” da Junta da freguesia de Lanhelas (Caminha).

-25 de abril, ás 21:30 hs (horario portugués), na Casa da Misericordia (Caminha): representación de “Antídoto” de Teatro em Construçao (V.N. de Famalicao).

-26 de abril, ás 20:30 hs, no IES A Sangriña (A Guarda): representación de “Cinco mulleres para cinco vestidos” de Nova Escena (Lugo)-

-26 de abril, ás 22:30 hs, no Centro Goianés (Goián): representación de “O libro de ler e desler” de Achádego Teatro (Lugo).

-27 de abril, ás 18:00 hs, no IES A Sangriña (A Guarda): representación de “Mort” de Teatro Tarumba (Ourense).

-27 de abril, ás 19:00 hs (horario portugués), na Casa da Misericordia (Caminha): representación de “O Lago dos Cisnes” de Xeriatrium (A Guarda).

-27 de abril, a partir das 21:00 hs (horario portugués), na Casa da Misericordia: sesion de clausura e entrega do “premio do publico”.

COMPAÑÍAS SELECCIONADAS PARA A II MOSTRA DE TEATRO AMADOR DO MIÑO

2008-04-19T04:43:00.000-07:00

O pasado venres, dia 12 de abril, fíxose pública a decisión do xuri da Mostra de Teatro do Miño que tivo como resultado a seleccion das seguintes 6 pezas teatrais escollidas entre aproximadamente 40 obras galegas e portuguesas:

- O lago dos cines - Xeriatrium (A Guarda)
- Mort - Teatro Tarumba (Ourense)
- Antídoto –Teatro Construçao (V.N. Famalicao)
- O libro de ler e desler – Achádego Teatro (Lugo)
- Frei Joao sem cuidados – Junta da Freguesia de Lanhelas (Caminha)
- Cinco mulleres para cinco vestidos – Nova Escena (Lugo)

Cada unha destas compañias seleccionadas recebirá um premio de 700€, concorrendo tamén ao premio especial do público dotado cunha contia de 1000€.

ALUMNAS DO IES "A SANGRIÑA" REPRESENTAN A MOSTRA DE TEATRO NON PROFESIONAL DO MIÑO EN PORTUGAL

2008-03-04T07:20:00.000-08:00

Nesta reportaxe a alumna guardesa Edna Patricia Moreira, nos contaba o pasado 9 de febreiro desde Vila Nova de Famalicao como se estaba a desenvolver o Encontro Asociativo Xuvenil Galiza-Portugal, falándonos de maneira particular da súa actividade como representante (xunto coa sua compañeira Noemi) da Mostra de Teatro non profesional do Miño neste importante evento.

http://

MOSTRA DE TEATRO NON PROFESIONAL DO MIÑO PRESENTE NO ENCONTRO ASOCIATIVO GALEGO-PORTUGUÉS EN FAMALICÃO

2008-02-14T08:44:00.001-08:00

O pasado fin de semana (8, 9 e 10 de febreiro) celebrouse na Casa das Artes de Vila Nova de Famalicão (Portugal) a Mostra-Encontro de Asociacións Xuvenis Galiza-Norte de Portugal. Neste evento, que foi apoiado por diversos organismos galegos e portugueses, déronse cita máis de 60 asociacións ou colectivos de xóvenes de ambos lados da raia, un total de máis de 250 mozos e mozas que tiveron unha magnífica ocasión para expor as súas actividades e proxectos, para reflexionar e debater sobre as problemáticas e desafíos comúns e moi especialmente para convivir e comunicarse con outros xoves.

A convocatoria para participar neste Encontro foi aberta a todas as asociacións xuvenis ou grupos non formais que quixesen estar presentes. Deste xeito, reuníronse en Famalicão colectivos procedentes de todas as provincias galegas e de todos os distritos do norte de Portugal, e vinculados aos máis diversos ámbitos e actividades (ecoloxistas, deportivas, académicas, musicais, de defensa da lingua, políticas, etc).
Entre todos estes colectivos, estivo tamén representada a Mostra de Teatro non profesional do Miño a través de dúas alumnas do IES da Sangriña da Guarda que, ademais de divulgar este evento teatral transfronteirizo entre todos os presentes na Mostra, tamén participaron de maneira activa e comprometida nas dinámicas de discusión desenvolvidas a través de diferentes grupos de traballo.

Alumnas do IES A Sangriña no estand da Mostra de Teatro non profisional do Miño que elas propias montaron con boa dose de creatividade, na área expositiva deste Encontro.

Moitos mozos e mozas achegáronse ao espazo da Mostra de Teatro para obter máis informacións sobre o evento.

Nun gran encontro transfronteirizo voltado para a mocidade como foi este, un evento da natureza da Mostra de Teatro do Miño non podía pasar desapercibido, pois, como poucos, representa ben esa vontade de entendimento e achegamento entre as culturas e xentes de ambas beiras miñotas. Muitas foron as persoas que se aproximaron para informarse ao stand da Mostra, que as propias alumnas guardesas montaron improvisadamente aproveitando os recursos disponibles.

As alumnas guardesas (esq. Edna, der. Noemi) participaron activamente en todas as actividades organizadas durante o fin de semana en Famalicão.

Esta non é a primeira vez que se organiza un Encontro entre asociacións xuvenís galegas e portuguesas, pero hai que sinalar que si que é a primeira vez que este desenvolveu con certos criterios sempre necesarios: unha ampla divulgación e convocatoria, unha boa e diversa participacion e unha articulación coherente entre mostra, traballo e convivio por parte da mocidade participante. Isto non significa que non houbese aspectos non tan positivos e mellorables, pero o que é certo é que o encontro deste pasado fin de semana pode ser, se así o queren os diferentes organismos e os colectivos xuvenís de ambos lados da raia, un punto de partida desde o cal seguir traballando, desde a propia mocidade, en prol da aproximación destes dous povos tan cercanos e muitas veces tan distantes.

PRIMEIRA PARTE DO CURSO DE INICIACIÓN Á ANIMACIÓN DE RÚA NO CENTRO GOIANÉS.

2008-02-14T07:54:00.000-08:00

Ao longo deste mes de febreiro a Concellalía de Xuventude do Concello de Tomiño, puxo en marcha outra actividade mais dentro do seu programa destinado a formación de mozos e mozas nas diferentes áreas que envolven à arte teatral. Estas iniciativas forman parte da aposta decidida por parte do Concello tomiñés en prol do achegamento da mocidade ás diferentes áreas artisticas en xeral, e pola MOSTRA DE TETRO NON PROFESIONAL DO MIÑO en particular.

Se no mes de xaneiro os mozos e mozas baixomiñotas tiveron ocasión de desfrutar e aprender nun obradoiro de Expresion Corporal, desta volta puideron iniciarse ao mundo da animación de rúa, aboradando aspectos diferentes como a construción artesanal de cabezas de "cabezudos".

Este curso, impartido no Centro Goianés, divídese en dúas xornadas. A primeira (à que pertencen as proximas imaxes) tivo lugar o pasado día 9 de febreiro cunha participación moi positiva por parte dos rapaces e rapazas. A segunda será o día 16 de febreiro de 10:00 a 14:00 hs.

BOA ACOLLIDA DO CURSO DE EXPRESIÓN CORPORAL

2008-02-14T07:21:00.000-08:00

O pasado día 12 de xaneiro tivo lugar no Centro Goianés o curso de Expresión Coporal, organizado pola Concellalia de Xuventude do Concello de Tomiño e inserido dentro da actividade formativa desenvolvida pola MOSTRA DE TEATRO NON PROFESIONAL DO MIÑO.

Este obradoriro, impartido por Olga Cameselle "Led", tivo unha boa resposta por parte dos alumnos dos concellos da Guarda, Rosal e Tomiño, quedándose curtas as prazas disponibeis perante a grande demanda por parte de bastes mozos e mozas amantes das artes escénicas.

Teatro amador na freguesia de Venade (Caminha)

2008-01-14T01:45:00.000-08:00

Fernando Borlido continua apostado em demonstrar a viabilidade de um projecto de dinamização do teatro nas freguesias, caso exista vontade de o implementar, conforme voltou a ficar evidente com a apresentação de duas encenações distintas no decorrer das representações levadas ao palco no Centro de Cultura e Desporto de Venade no passado dia 29 de Dezembro.

As turmas de teatro que têm vindo a funcionar na EB 2,3/S de Caminha, vêm fomentando o bichinho nos alunos, resultando na sua disponibilidade para actuarem em espectáculos realizados fora da escola, conforme se comprovou nesta noite.

Uma peça clássica ("Um Caso de Amor"), onde o humor imperou, e uma paródia à entrada em funcionamento da Rádio Televisão Venadense, com recurso a novas tecnologias permitindo visionar as reportagens realizadas pelos jornalistas locais a uma série de acontecimentos "ocorridos" na aldeia, completaram o espectáculo presenciado por muito público, entusiasmado com a imaginação e desempenho dos seus conterrâneos e de freguesias vizinhas.

Ver toda reportagem em CAMINHA2000.

Curso de Expresión Corporal en Goián

2008-01-08T07:29:00.000-08:00

O Concello de Tomiño a través da Concellería de Mocidade organiza, xunto coa Oficina Municipal de Información Xuvenil e a Segunda Mostra de Teatro, un Curso de Iniciación á Expresión Corporal que se vai desenvolver no Centro Goianés o vindeiro sábado 12 de xaneiro.
Este curso será impartido por Olga Cameselle "Led", tendo un horario partido cunha primeira sesión de 11:00 á 14:00 e unha segunda de 16:00 á 19:00 horas.

As incripcións realizaránse na Oficina Municipal de Información Xuvenil (OMIX) sita no Campo da Feira ou a través de correo eléctronico omixtominho@yahoo.com ou chamando ó teléfono 986 623 304. O número de prazas é de 20.

Bases para a participación na 2ª Mostra de Teatro Non Profesional do Miño

2008-01-03T09:34:00.000-08:00

1ª) A Comisión Organizadora da Mostra de Teatro non Profesional do Miño “Gabriel Feixó Araúxo” está formada por persoas vinculadas ao Centro Goianés (Tomiño), I.E.S. A Sangriña (A Guarda) e á Oficina Xuvenil Transfroiteiriza de Tui.

2ª) A Mostra celebrarase nas vilas de Goián, A Guarda, Caminha e Vila Nova de Cerveira os días 25, 26 e 27 de abril de 2008 nos lugares que determine a Comisión Organizadora.

3ª) Poderá presentarse a esta convocatoria calquera grupo de teatro non profesional (escolar e afeccionado) con obras en lingua galega ou portuguesa.

4ª) Para participar deberán enviar, antes do 14 de marzo do 2008 a seguinte información:

-Datos do grupo (nome, enderezo, teléfono de contacto, e-mail).
-Título da obra, autor e sinopse da mesma.
-6 copias gravadas en DVD (formato MPG) da obra completa que se presenta á Mostra.

Estes materiais poderán ser recollidos no Centro Goianés até dous meses despois de rematada a Mostra, pasado este tempo serán destruídos.

5ª) Os grupos poden presentar máis dunha obra pero só poderá ser seleccionada unha por cada grupo.

6ª) Esta documentación deberán remitila a un dos seguintes enderezos:

Centro Goianés
Mostra de Teatro do Miño
Avda. Ordóñez, s/n
36750 Goián
GALIZA

--------------------------------------------

Posto Juvenil Transfronteiriço (IPJ)

Rua de Santa Margarida, 6
4710-306 Braga

PORTUGAL

7ª) O xurado encargado de valorar os traballos presentados estará constituído por:

-Representantes da organización.
-Profesionais do teatro galego e portugués.
-Persoas designadas polas institucións patrocinadoras.

8ª) De todas as obras que se presenten, o xurado escollerá oito, que serán as que participen na mostra. Esta decisión comunicaráselle soamente aos grupos seleccionados antes do 12 de abril.

9ª) A cada un dos grupos seleccionados para participar outorgaráselle unha subvención de 700 € e un galardón conmemorativo da Mostra.

10ª) Destes grupos, aquel que obteña mellor valoración do público asistente obterá un premio especial do público, de 1000 €.

11ª) A Comisión organizadora desta Mostra resolverá calquera circunstancia que non estea prevista nestas bases.

12ª) O feito de participar nesta Mostra, implica a aceptación de todas e cada unha das bases.

Contactos coa organización:

teatrominho@yahoo.es
+34 986 609 015 (IES A Sangriña – A Guarda)
+351 253 204 250 (Posto Juvenil Transfronteiriço – Braga)

Charla sobre Teatro no Centro Goianés

2007-12-08T11:11:00.000-08:00

O pasado martes, día 4 de decembro tivo lugar no Centro Goainés un obradoiro de teatro impartido polo actor e director teatral portugués Mário Moutinho, director artístico do Festival Internacional de Teatro de Expressão Ibérica (FITEI) celebrado no Porto.

Esta charla, patrocinada pelo Instituto Português da Juventude (IPJ) forma parte dun conxunto de actividades de carácter formativo desenvolvidas de maneira paralela á II Mostra de Tatro non Profesional do Miño que se cebrará na vindeira primavera. Dentro desta mesma programación xa foi celebrado durante os días 24 e 25 de novembro no IES da Sangriña un curso de Clown impartido polo actor Francisco Rei.

Mário Moutinho conversou cos escolares participantes, pertencentes ao CPI Manuel Suárez Marquier do Rosal e ao IES da Sangriña da Guarda, compartindo con eles as súas experiencias no ámbito teatral ben como actor, como director ou como organizador dun importante evento teatral como é o FITEI. Os alumnos tiveron oportunidade de facer calquera tipo de pregunta a este profesional, de quen tamén irían recibir importantes consellos e ánimos para continuaren adiante no apaixonante mundo do Teatro.

Curso de CLOWN no IES da Sangriña

2007-12-08T09:49:00.000-08:00

Durante os días 24 e 25 de novembro, celebrouse, no IES A Sangriña, un curso de Clown impartido por Francisco Rei, actor profesional da compañía Os Sete Magníficos máis Un e membro de Culturactiva, empresa pioneira na animación cultural cuxo prestixio é recoñecido a nivel mundial, por ser quen se ocupa da organización do Festiclown en Santiago de Compostela.

Neste obradoiro participaron alunos do propio IES da Sangriña e do CPI Manuel Suárez Marquier, e serviu para preparar un espectáculo de rúa que percorrerá as rúas das localidades que acollerán a II Mostra de Teatro Non Profesional do Miño "Gabriel Feixó Araúxo", que este ano serán as portuguesas de Caminha e Vila Nova de Cerveira, e as galegas de Tomiño e A Guarda.
Ver reportaxe fotografica.

II Mostra de Teatro non Profesional do Miño

2007-12-08T08:31:00.000-08:00

As persoas que se ocupan da organización do maior evento teatral na nosa comarca xa levan acumuladas moitas horas de traballo. Na vindeira primavera celebrarase a Segunda Mostra de Teatro non Profesional do Miño Gabriel Feixó Araúxo, que troca de nome, pois, desta vez as vilas organizadoras non son só A Guarda e Goián, que o ano pasado iniciaron esta andadura, senón que agora súmanse tamén Vila Nova de Cerveira e Caminha. É por iso que a denominación que facía referencia aoterritorio baixomiñoto é subsitituido polo MIÑO concepto amplo e símbolo de unión e de rompimento dunha fronteira que desde o punto de vista cultural non ten ningún sentido.

Outra novidade salientabel este ano é a programación dun conxunto de actividades de caracter formativo que se desenvolerán de maneira parela a Mostra de Teatro. Serán cursos, obradoiros e charlas que se irán realizando desde agora e ao lontgo de todos os meses previos a Mostra, e que terán como finalidade achegar os mozos e mozas interesados aos mais diversos ámbito do mundo do Tetaro (interpretación, maquillaxe, clown, etc). A organización aposta de maneira decidida pola formación e divulgación entre a xente nova como a mellor maneira de crear unhas bases para que no futuro a actividade tetral teña maior e mellor presenza na nosa sociedade.

Crece, pois, a Mostra, que se converte nun escaparparate para o teatro non profesional de toda Galiza e Portugal.